ليت قلبه حس فيني

 

 

 

آه يا سامع مصابي ..عن غرامٍ ما رحمّني..
اسمع الأبيات مني وافتهم شرح المعاني

 

بشتكي لك عن حبيبٍ ..شاغلٍ فكري وظني..
كان يوعدني ويخلف..دون هالعالم بغاني..

 

للأسف اخلف وعوده..وياكثر ماهو جرحني..
ماقدر يفهم فؤادي وماقدرت اعرف مكاني..

 

ضقت من كثر التجاهل..ومن كثر ماهو طعني..
ماتوانى عن عذابي..دوم بإخلاص وتفاني..

 

اتعبتني هالجروح..وهالعذاب.. وهالتجني..
ليش احس اني لوحدي بس أنا منّه أعاني..

 

مشكله يعرف مكانه..وانه اغلى من سكني..
هو هدية هالزمان..وهو حياتي هو كياني..

 

مسكنه داخل فؤادي..بأطيب إحساسه ملكني..
ما يهمني من عذلني.. عن وداده أو نهاني..

 

غايتي نظرة عيونه..وحده بس اللي شغلني..
مايعوضني بديله..ولامناتي بشخص ثاني..

 

بأعلى صوتي قمت أصرخ ..والله انه صار مني..
في غرامه ذاب قلبي ..يوم قال إنّه هواني..

 

خذت عبره من حياتي..عمره مافاد التمني..
غير انا وش هي حياتي..كلّها آمال وأماني..

 

ليت قلبه حس فيني..ليت بيده ما طعني..
ليته بكل اشتياقه حس فيني واحتواني..

 

ليته بس لو يوم واحد..يدري كم مره جرحني..
ليته يفهم عن شعوري..ليته يفهم هالمعاني..

 

يا مااااا عشآنك

ياما على شأنك عيوني حكت لك
.................. ياليت عينك عن غرامي حكت لي

لاجيت عندك ياحياتي التفت لك
..................ياليت تنظر حــــــالتي وتلتفت لي

بدرب الهوى والحب حرمت قتلك
................. وانت الذي ياشــوق حللت قتلي

كم مرة ٍ والروح لجلك عنت لك
.................علام رجـلك قصــرت ماعنت لي

اليوم خبرني عن اللي بدت لك
.................... دنيـــاك ماجتني على مابدتلي

الامل ضايع لكن الاماني مو حرام‎

ضاق صدري و رحت افضفض قاصد ٍ نفس الرصيف !
شفت نور الحي زايد و آنا خبري به ظلام


و الغريب انه خفوقي زاد نبضه .. مدري كيف !!
كني طفل ٍ .. يبكي .. خايف .. ضايع ٍ وسط الزحام


اثْرها كانت وراي .. و الضيا ما كان طيف
قبل ما اوقف و اسلّم .. قلبي المشتاق قام

ما طرى في بالي الا (يا بَخَت من لك وليف )
عينها بعيني .. و نظره .. رجعتني كم عام

فجأه شفت اشجار تخضر و هْيَ في عز الخريف
و هذا هو حال المفارِق يوم يطري له الغرام

يبتسم .. يشبه بشوقه .. للنظر شخص ٍ كفيف
الأمل ضايع .. ولكن .. الأماني مو حرام

الثواني تمر و تمضي .. اشهد ان الوقت سيف
فجأه قالت ( كيف حالك ) قبل ما ارمي السلام !

كنت احسْب اني قوي .. لين اكتشفت احساسي زيف
ما عرفت انطق بكلمه .. شاعر و خانه الكلام !!!

كيف اقول اني بخير و باين بقلبي النزيف ؟
و الملامح بان فيها عين ما عادت تنام

مرتبك .. واقف .. و ساكت .. انفض غبار الرصيف
بالعجل هزيت راسي ( يعني اخباري تمام )

و انسحبت بْلا تردد لني انسان ٍ ضعيف
و القوي لا شاف موته .. يوم يضعف ما يلام